السلام عليكم يعطيكم العافية الموقع اكثر من رائع والشكر موصول للجميع مقدما بالمختصر هذا الأسبوع اكتشفت أن زوجي يكلم وحده مغربية "حسبي الله عليهم هم الاثنين" ومو عارفة كيف أتصرف وأواجهه لأني مابي أأذي نفسي بسبب القهر اللي مسببه لي بتصرفاته ! ومن قبل شفت سيديات فيها أفلام إباحيّة وخذتهم ورميتهم بدون ما أكلمه أو أناقشه ، وقبلها بعد فلاش ميموري وبعد فيه أفلام اباحيه ، وقال انه مو حقته وصدقته . وأدري إنه يمارس العاده السرية وبعد ساكته . وهالمرة هذي أبيها الأخيرة : إمّا إنّي أواجهه ويحترم وجودي ويحترم الطفله اللي بينا . هو أصلا دايم مشغول ولا يهتم فيني ولا في بنتي وبحكم شغله مايفضى أبداً بس سبحان الله فضى للحب الجديد ! البنت هذي عندي كل بياناتها ومعلوماتها ومحتاره كيف أتصرف ومابي أتهور ومابي أنهي حياتنا بالطلاق ... وهو مايحب النقاش أبداً وعارفه إنه بيصارخ وبيقلب الدنيا علي بسبب إنّي كشفته. بنهاية الأسبوع أنا بروح بيت أهلي زياره بس لازم أنهي الموضوع قبلها. تكفون ساعدوني وربي حيل تعبانه من هالموضوع ، لأني حامل ومابي الجنين يجي له شي بسبب تصرفات ابوه !! يعطيكم العافيه أنتظر ردودكم بأقرب وقت .