السلام عليكم .. أنا اعيش مع أسرة مكونه من أبوي وأمي و5 اخوان و7 بنات ، عشنا طفولتنا وحيدين نجلس بالبيت ونروح للمدارس ونرجع نتخاصم مع بعض ، أطفال وماعندنا شئ نسويه كبرنا كذا ، وتقاعد أبوي وانتقلنا لديرتنا وصارت مشاكل مع أبوي وأقاربنا ، ومانعرف هل الحق مع ابوي والا اقاربنا ! صار أبوي يدخل البيت يصرخ على أمي إنها هي السبب بها لمشاكل . بعدنا عن أبوي مع إننا بالأصل بعيدين عنه وماكان يعني لنا إلاّ الآمر النّاهي ! صرنا نكرهه ونشتمه بغيابه لقسوته علينا وعلى أمي وحرمانه لنا جمعة أقاربنا وأغلب حقوقنا . بعد سنين صارت مشكله كبيرة سببها ابوي تدمروا أخواتي بعدها صاروا أنانيّات تتهم الوحده الثانيه بأشياء ماسوتها ويسوون منها مشكله ؛ أهون نقاش بيننا يكبر ونتخاصم أيام ، وأحيانا يكون مافي الوحده شئ بس نكلمها تكون زعلانه ومالها نفس تتكلم وتعصب وتصارخ بدون سبب ودخل الدعاء بيننا على بعض ؛ صاروا الأخوات يدعون على بعض ولايهمهم كمان في مشكله بين الأخوات التعاون بينهم صفر في شغل البيت وأي شئ يرفضون لبعض والكلام في وصف حالنا يعجزني . أسرتي تدمرت وانهارت ولايجمعنا غير البيت . استشيركم وش الحل وش أسوي واعمر بيتنا من جديد ونكون على قلب واحد .