‏السلام عليكم .. ترددت كثيرا في كتابه هذه المشكله انا شابه ابلغ من العمر 31 سنه وقعت في حب شاب منذ اكثر من عامين احببته حبا كثيرا وانعجبت في صفاته واخلاقه وذكاءه وانسانً ماشاءالله عقله اكبر من سنه ويعلم الله اني اريده زوجا لي . دكتور في بدايه علاقتنا سالته مااسم عايلتك فقالي اسم عايلته غير عايلته فسألته كذا مره وماقال الحقيقه ، ومرت الايام فكانت الصدمه بعد مرور سنتين انه اعترف لي ان العائله اللي قالها مو هيا عايلته الحقيقيه وقالي على عايلته هما حجازين يرجعون اصولهم اتراك !! واحنا من منطقه القصيم نرجع قبلين . قلت له : ليه ماقلتلي من البدايه كان ماصار هذا حالنا ! فقال : ان اخته ماخذه قصيمي ماكان عندهم مشكله فسالني قبل ثلاث شهور لو تقدم لي هل اهلي يوافقون فقلتله اهلي راح يرفضون . سالت دكتور نفسي كيف اقنع اهلي فكان رده قاسي جدا ليه تعرفتي عليه من ورى اهلك شوفي النتيجه تعلقتي فيه ! قلت له : طيب كيف اقنع اهلي ؟ قالي يتقدم نفس اي خطيب . المشكله اهلي متاكده راح يرفضون والولد قالي اذا مافيه نصيب يمكن بعد اهلي مايوافقون احنا بيدنا الدعاء وصار يواسيني يعني لو ماكتب نصيب لازم ارضى بالقدر ومازعل نفسي . وانا صراحه ادري غلطانه وندمانه جدا لو ترد بي الايام ماسويت الغلط هذا المشكله تقدم لي خطيب ابوي اعجبه فاشافو اهلي رده فعلي مو متقبله الموضوع استغربو قالو ليه مافيه شي الرجال وانتي كبيره انا محتاره جدا مدري ايش اسوي نفسيتي تدمرت خايفه اوافق ولا اقدر احبه واظلمه معاي .