انا فتاة عمري ٢٨ سنه مرتبطة برجل في عمر ٤٨ سنه وزواجنا في شهر ٧ القادم باذن الله اكثر من مره يتم التواصل معكم وجزاكم الله خير انا امام مشكلة ماني عارفه كيف اتعامل معاها خطيبي شخصيته تفرق عني كثيير واتغير عن اول الايام ولا اعرف ايش السبب ، عقدنا في نهاية السنة الميلاديه بشهر ديسمبر تقريبا ولا احنا متواصلين كثير مع بعض كان يتصل يوميا وبعدين صار يوم وترك تقريبا والان يوصل ٣ او ٤ ايام مايتصل ! المشكله مو هنا ؛ المشكله حاسه ان هذا الشخص جالس يبعد ، فيه شعور غريب قاعده احسه ، بصراحه فاقدة الثقه في اني اهمه واحس وكاني زوجه انعقد عليها والسلام ! أنا موو عارفه كيف اوصل لكم مشكلتي لكن الحاجات الحلوه والايام الحلوه اللي كل الناس تقول إنها بأيام الملكه مو حاسه فيها او ب الاحرى هو مو مخليني احس فيها ، حاسه ببرود مشاعر ، خطيبي انسان اناني ، اذا حب يتصل يتصل اذا حب يرسل يرسل لكن عادي جدا عنده ارسل له مثلا ولا يرد . واذا قلت له سالتك ليش مارديت وانا اكون سالته عن شغله معينه مثلا ف ترتيبات الفرح او ابغى اساله عن حاجه تستوجب الرد مايرد واذا قلت له ليش ماترد مايهتم وعادي جدا مايرد وممكن يرسل رساله بعدها عامه ولا كانه شاف سؤالي اساسا !! احساس ان الشخص اللي قدامك جالس يحط بينك وبينه حواجز يقتل ب الذات لو هالشخص زوج المستقبل صراحه صرت احاول حتى انا ابعد ومتى مايحب يتصل او يرسل بكيفه صحيح اتعلقت فيه واخذ تفكيري وهالشي مضايقني جدا واحيانا اضعف وماقدر الا واعاتبه غصبن عني وهو يفهمها اني جدا حساسه والناس عندها مشاغل ووووو انا مو متخيله ان ممكن الواحد ينشغل عن زوجته بالذات ف فترة الملكه اللي يقولو انها مليانه مشاعر ولمده كم يوم حتى رد ع السؤال مافيه امس ارسل له بعد غيابه عني من الاربعاء الماضي واقول له انت طيب ؟ طلع مريض وتعبان ماعندي الجرأه اتصل عليه واتطمن فسالته اذا الاتصال مايتعبك عادي اتصل واتطمن عليك قال مريض وربك الشافي دعواتك كان عادي يقدر يستقبل مكالمتي بس هو مايبي ! ماذكر حصل مني شي ممكن يخليه يبعد هل ثقته اني حبيته وارتبطت فيه وانه يوحشني واني اسال عنه مخليه يبعد ؟! ابغى اعرف هل هذا طبع رجال هذا العمر ؟ هل هما قاسين ومافيه حنيه؟ ايش يبغوا بالضبط وايش المفروض الزوجة توفره لهم ؟ اخاف ابعد واتركه واخرب على نفسي وحياتي ابغى حل وطريقه اتجاوز فيها هذه الفتره ، ايش اقدر اشغل نفسي عنه واشياء اقرأ عنها تفيدني لبعد زواجنا . فكرت اقرأ بوصله الشخصيه بسس ماقدرت استوعبها ومليت وبالاصح لمن عرف اني اقرأ عنها قال لي اتركي عنك حركات المشعوذين واقرأي القران وبصراحه سد نفسي احتاج حل لان تهمني نفسي قبل كل شي مابغى شي يزعلها .