متزوج من 8 سنوات وزوجتى تحب وتفضل أهلها عليا بطريقة [ جما ] !! المهم أنا لا أتعامل مع أهلها ولا أذهب إليهم نهائيا فكنت أوصلها لحد باب الشارع وأرجع أخدها أخر اليوم . لأننى أقسمت أن لا أدخل بيتهم أبدا لما فعلوه وأحدثوه فى حقى . المهم الزوجة غضبت وكنت كل مرة أبعت والدتى أو أخواتى يجبيوها عشان بتكون هيا اللّي غلطانة . والأهم أن زوجتى بتسمع هيا وأهلها لكل الكلام اللّي بيجيلهم كدب من طرفى وبيصدقوا وبيعملوا مشاكل ، ولما بطلب الناس دى فى قعدة عشان أثبت كدبهم يرفضوا ويقولوا خلاص الله يسهلهم وهما مش رجالة . المهم المرة دى زعلت بقالها 5 شهور كلموها أخواتى وأهلى رفضت الرجوع كنت باخد أبنى أسبوع ومعاها أسبوع بعتولى أخوها بيهددنى بأنى ما أجيش هنا تانى . المدارس دخلت بعتتلى الولد قعد شهر عندى وراحت خدتووا من ورايا من المدرسة قعدنا ندور عليه ونلف حتى بعت حد هناك قالت له أنا أخدت الولد. الموضوع زاد أكتر أنها ما بتوديش الولد المدرسة بقاله شهر والمصيبة الأكبر أنها عاوزة تنقله لمدرسة تانية مستواها متدنى ، والدتى كلمتها قالتلها مش هابعتلكم أبنى وأنا حرة فيه ؟ وهانقلة من المدرسة ؟ أعمل أيه وبعدين أهلى راحوا مرة رد أبوها وقال بنتى هاطلقها وهاخد حقى بالمحاكم ، ولما أختى سألتها عن ما فيش يوم حلو فى الـ 8 سنوات ؟ قالت لها لا ولا يوم ؟ هيا بتخاف وبتنفذ كل كلام وطلبات أهلها بالملّى ماذا أفعل أعزكم الله