السلام عليكم ورحمة الله وبركاته انا متزوج ولي الان ما يقارب سنتين من فتاة عمرها 27 سنه وليس لدي منها عيال ولكن اعاني كثيرا في حياتي معها في اسلوبها وتصرفاتها وحياتها ومع أهلها ، فهي كثيرة الشكوى وكثيرة التأفف قليلة الاهتمام في بيتها عديمة الاحترام معي لا تطبخ الا بتأفف ولا تقوم باي عمل الا بتأفف لا بيت عاجبها مع أن البيت جديد وملك ولا تمشيه عاجبتها ولا انا عاجبها ولا شيي عااجبها ولا شي يملي عينها . تحب أهلها بجنون لدرجة تأخذ أغراض من البيت دون علمي وتعطيهم ومغرورة بنفسها كثيرة النقد سواء معي او مع كل من تذهب لها ما تحب احد يجيها ولكن تحب تروح للناس كثيرة الطلبات مع العلم انه ما يعجبها العجب ولا الصيام في رجب مع انه أهلها وضعهم الاقتصادي جدا سئ لان ابوها متقاعد ورجل اعمى ، لكنه علم عياله على الهياط ولا يشترون من أي مكان ولا يأخذون الا الماركات ومن أماكن فارهه مع اني مني مقصر معها لكن تقول ماهي عاجبتني لدرجة تحن على حياتها عند أهلها ليه سنتين وانا مشاكل معها حاولت بشتى الطرق والوسائل وفي السنيتن أهلها مقريين بانها على غلط وانها راح تتعدل وهيه ما تسوي الشي الا اذا أمها قالت لها سوي اعملي وترجع لنفس الوضع والطبع وتقول اذا تبغاني اتعدل وديني افخم الفنادق واحسن المطاعم وسفرني مع ان شهر العسل كان في تركيا وسافرنا اكثر من مدينة داخل البلد لكن ما هو عاجبها شي ولا يملي عينها شي . عيشتني في هم وغم وحياة تعيسة وحالة نفسية متعبة معها ومع أهلها لدرجة عدد المرات الي يجون عندها ما تنعد وأهلها 8 اشخاص ويجلسون عندنا فترات طويلة معي ان ما بين بيتهم وبيت بنتهم تقريبا نصف ساعة ومع هذا تتأفف اذا احد جاني من اقاربي مع ان اكثر ما يجيني الوالد والوالدة وتقول بيتي مو فندق ولكن أهلها عادي وابوها يقول دام بنتي في هذا البيت اجي وارجولك على رقبتك وضاع جوالها ويرسل لي ابوها ويقول "ترى انا داري يامحمد ان جوالها عندك من يوم ماضاع انته حاطه في المكتب وقبل اسبوع فتحت السناب منعاً للاحراج رد جوالها بطريقتك وإلا اشتريلها جوال ترى مايسير انا قلتلك اعاملك زي خالد , ترى انا رحت عند اكبر مدير لشركه الاتصالات حساباتها اللي في الجوال محد يقدر يفتحها الا اللي يعرف الرقم السري للجوال ومحد يعرفه غيرك رد الجوال بطريقتك " ومع هذا قمت بشراء جوال لها مع انها طول الوقت على الجوال وانا الان موديها عند أهلها لها قرابة شهر وأهلها يتصلون احنا محبين فيك وتعال خذ زوجتك وابوها كلما أقول له على وضع البنت ما يبغى يفتح الموضوع يقول راح تتعدل وانا ليه سنتين وهم يقولون راح تتعدل راح تتعدل ولا شفت شي من هذا فهذا قليل مما في قلبي ولا عاد اطيقها ولا اطيق أهلها فما هو الحل ؟