أنا معلمة ؛ وفيه وحده من طالباتي صرنا انا وياها صديقات هي في المرحله المتوسطه.. ولله الحمد من تعرفت عليها خليتها تعدل سلوكيات كثييره خاطئه وخطره عليها في حياتها .. مع الايام دخلت البنت قلبي وحسيت انها بنتي ، حسيت كأنه انا اللي ولدتها وهي تحس بذا الشي اي شي بتسويه تستشيرني اذا صح او غلط وانا اعلمها واذا كان غلط تحاول تقنعني به وانا اقنعها بفكرتي وماعاد تسويه حتى لو انها تبغاه وبشده . المشكله مو في علاقتنا !! المشكله امي تخيرني بين رضاها وبين ذي البنت ، وأنا مااقدر ازعل امي ومااقدر اترك البنت - خصوصا هي صغيره وبحاجه لتوجيه وامها غافله عنها بالمره وتاركه لها الحبل عالاخير - أخاف اتركها وبعدها تضيع.. وانا نفسي مااقدر ابعد عنها احس انها بنتي وانا اللي انجبتها وارضعتها ومسؤوله عنها.. علماً بأن امي من وانا صغيره كانت تشكك في علاقاتي مع صديقات مع العلم اني والله ماكان عندي خرابيط ولا قلة حيا وانا مااقدر اتكلم معاها من وانا صغيره ، مااقدر اعبر لها عن اللي في داخلي لما قالت لي ذا الكلام ماقدرت اناقشها بس اللي اقدر عليه دايم اني اسكت ولا ارد واروح ابكي بيني وبين نفسي بدون مااحد يحس . اعرف انه اللي تسويه امي من حبها لي بس انا احتاج مساحه الحريه للتعبير عن اللي في داخلي وامشي مع اللي ارتاح له علما بأن البنت عمرها ١٤ وانا ٢٧