أنا بعت لكم قبل كدا وانتو رديتو عليا بارك الله فيكم . أنا مخنوقه على الاخر ومش قادرة اعيش واتحمل حياتى كدا والسبب ان جوزى بعيد عنى ومسافر بقاله سنه وشهرين وتاركنى انا وبنتى عندها ثلات سنين وقولت له اكتر من مرة خدنا معاك عايزين نستقر سوا وهو مش راضى لانه بخيل ويحسب كل حاجه واهم حاجه عنده الفلوس وبيتحجج بالشغل وعدم استقراره فيه . انا اصلا من الاول كنت متردده فى الجوازة دى ورضيت وقولت دا اختيار ربنا لانى صليت استخارة كتير واجوزته وانا نفسى مش راضيه بيه المهم بالرغم كدا بيسافر ويسيبنى تغل وانا بشتغل وفيه واحد معجبه بيه مش متجوز بس طبعا مش هستجرى اتكلم انا بينى وبين نفسى كدا معجبه بيه وكان نفسى قبل مااقابل زوجى داابو بنتى فعلا انا فى حيرة شديده وفى قلق عايزة استقر واعيش حياة زوجيه سعيده بس حسه برده انى مش هقدر اكمل معاه وبعدين انا من النوع اللى بيخاف من كلام الناس ومااقدرش اتطلق وبرده مااقدرش اعيش فى منزل ابى مع اخواتى لان فيهم واحد مريض نفسى وانا بتعب اصلا لما بروح هناك عند اهلى وفى نفس الوقت اهل زوجى بيجنبونى وانا بتجنبهم لانهم دائمين النقد والحقد على وانا مش برتاح لما اقعد معاهم انا حسه ان العيب فى انا اللى مش بفهم كويس ولا بقدر الامور صح وحسه انى لو اتطلقت مش هتجوز تانى وارجع اندم تانى