السلام عليكم ، مشكلتي مع أم زوجي تتغير علي فجأة ، هي مو صريحة ولما أجلس معاها أريد اعرف وين المشكلة كله تبين لي ان مو أفضل وحدة ، وأنا ما اعرف شي ومو حنونة وكله تكرر انتي مثقفة ومتعلمة وتعرفي الواجب بس اتقولها بقهر ومو راضية عنه ، كذا بس اتقول نقاط من دون مواقف ، وانا عكس اللي اتقوله تماما هي تعرف اني احب الاطفال جدا ويكفيها اتشوف تربيتي لطفلتي واهتمامي بأولاود ولادها وأولاد بناتها ، المهم اني ظليت في شقتي وقللت الزيارة بحكم اني عانيت من ألم مزمن لمدة سنة و5 شهور ، واحنا في بيت واحد هي بالدور الارضي وانا شقتي بالدور الاول ، مع هذا ما كانت تسأل لا بتلفون ولا برسالة ، ومع هذا لما تحسنت وصلتها وقمت ازورها ، والحين طالعة لي بسالفة ان فلانة قالت انك تكلمتي علي ؟ وقامت اتصيح و زوجي جاء لي وهو معصب وكان بطلقني وهذا الكلام ماحصل ولا صار ، تدخل والدي واصلح الوضع ، بس بعدها شايلة بقلبها مع اني بينت لها ان الكلام ذا ماصار ولا حصل اني كنت أمر بأيام صعبة علشان المرض وماكنت ملتفته لاحد نهائيا ، بس ماصدقت ، جلست معاها واتفقنا انها ماراح تسمع للتفاهات قيل وقال وتحافظ على بيتها ، وتوافق على كلامي وبعدها بيوم مااشوف الا قالبة خلقتها علي وتعفس وجهها لما اتشوفني تبعدني لما اسلم عليها و تناظرني باحتقار ؟ اني تجاهلت تصرفاتها ، بس ابي اعرف كيف اتصرف معاها لا اتسوي لي مشكلة بعد مع زوجي زي اول مرة ؟