لو سمحت أبي استشاره منكم ع موضوعي . أنا زوجي كان خاطب بنت عمته لمده سبع سنوات وكان بينهم حب وكانوا يقابلون بعض ويتبادلون الهدايا ويكلمون بعض يعني شي كبير وعلاقهً قويه . المهم انه صارت بينهم مشكله وفسخوا الخطبه والبنت تزوجت ع طول وعندها ولد الحين بعدها بفتره خطبني أنا وتزوجته وأنا ما اعرفه عن قرب يعني مو من القرايب ولا أدري اذا كان خاطب او لا ! بعد سنتين وشوي حكى لي قصه الخطبه وكذا بعد إلحاح مني من باب اللقافه ويوم حكى أنا من داخلي انقهرت يعني غيره وكذا وحسيت انه يمكن مانساها ، بس انا من النوع الي ما أحاسب احد ع الماضي أخذت الموضوع عادي وقلت له خلاص مجرد تخلص كلامك بنسى كل شي ، وما أنكر اني جلست أتخيّله معاها وقلبي يعورني بس مابينت لأني فتحت ع نفسي الباب . المهم بعدين قال لي انه باقي محتفظ بالهدايا حقها للحين أنا هذا الي صدمني يعني زوجي يعشقني ويحبني وَذَا الشي واضح حتى في تصرفاته معي ، مدري انا حسيتها كنها خيانه او انه مو قادر ينساها مع كل الحب الي عطيته . المهم حسّيت اني ناقصة اني ماقدرت أخليه يحبني زيها انا هنا انفجرت بالبكاء من الصدمة ماقدرت اعاتبه لاني احبه مره حسّيت اني انكسرت من داخلي وبديت اتخيل اشيا كثير ، معد ببالي الا صورته وهو مبسوط معاها المهم انه قال لي يوم فسخو الخطبه انه ماطاوعه قلبه يرمي الهدايا ولفها بشنطه ورماها في المخزن ، يقول انه من يومها ناسيها ولا عمره فتحها وانه صدق ناسي انه محتفظ فيها بس يوم انفتحت السالفه تذكر مدري انا من كثر الكلام برأسي معد قدرت أصدقه ، مع اني متاكده من حبه وأنا وياه عايشين كنّا بسعاده وكل شي تمام . المهم بعد محاولات منه سامحته وخليته يرميها بس اني من داخلي ماقدرت ارجع له زي ما انا كل ما كان بحضني بس يجي في بالي موضوع الهدايا ووجه البنت انا تعبت وتعبته معاي بس مو بيدي عقلي معد اسعفني لانه بس يفكر بعاطفيه . أبي استشاره عاقله ومالقيت أنسب منكم اش أسوي اترك زوجي ولا أعاقبه ولا أكمل ولا كن شي صار ولا ايش ؟ سامحوني طولت بس حبيت أوضح كل شي