السلام عليكم .. أريد استشارتكم .. فأنا متزوجه من 7سنوات ، ومشاكلنا كثيره وفي السنوات الأخيرة زادت لدرجة أننا نتخاصم في الأسبوع مرّة أو مرّتين . فزوجي يرى أنّي ظلمته في حياته ، وأنا أقول : أنا مظلومه معك !! كل منا يرى أن الآخر هو المتسبب في المشكله حتى وصلنا في أي زعل يعصب ويرفع صوتة ويطلع اللي في قلبه عليّ ، وأنا أسكت وأقول في نفسي لو أقول كلمه وحده راح يعصب زياده وبعده أنا !! وأتمنى أفضفض لأحد واطلع اللي في قلبي ) وهو يقول انتي وانتي وانتي .. السبب!! وأنا طبعااسكت وأكون في نفسي غير مقتنعه بكلامه أبداً وفي نفسي هو الغلطان ( نهاية كل مشكله أرسل له رساله وأقول أنا آسفه وأنا الغلطانه وسامحني ) !! وأنا مقهوره وأقول ليش اعتذر منه وهو الغلطان ؟! بصراحه تعبت وصرت أمشي واطنش عشان نعيش ولو ليومين بدون زعل وهو صار حتى يقول نزعل وبعدين تقولين أنا آسفه ولا فيه فايده في المشكله ... أريد حلاًّ ( أنا وصلت لدرجه اني بدأت افكر احنا يالسعوديين فاهمين انه الحرمه هي عبده عند الرجل اللي لازم تصبر وتتحمل وتتأسف وهي ماهي غلطانه عشان تحافظ على زوجها وبيتها لأنها لو تتطلقت راح تزيد معاناتها وإمّا تعيش تحت رحمة حريم اخوانها او تتزوج رجال عنده حريم ويكون اكبر منها بمراحل ) !! أنا أفكر كذا : أقول إذا تطلقت من زوجي وش بيكون حالي ؟! أكيد راح يكون أخس ( طيب لماذا الزوجه هي اللي لازم تسوي كل شي والرجال يعيش بكل عيوبه زي مايبغى ولا احد يقول له تغير عشان زوجتك ؟؟؟ ليش اذا زعلت مااعصب مثله واطلع اللي في خاطري عليه ويجي يعتذر مني بعدين و يحاول يصلح اخطائه ؟؟؟ انا ابغى ارتاح حياتي مليانه مشاكل وهذا باقي ماجاني عيال اجل اذا جاني عيال وش بيصير ؟؟؟ صار كل سنه تزيد عصبيته ولا صار يتحمل مني شي اخاااااف ولله كثير وش راح تكون حياتنا في المستقبل اذا جلسنا بهذي المشاكل ؟؟؟ ( بعض الأحيان أحس إنّي مريضة نفسيّاً من أفعاله معي وودي أتعالج عشان أقدر أتحمله زياده ، واقدر أحل مشاكلنا وارتااااارح !! ( لو سمحتوا ساعدوني وش أسوي ) مع إنّي عارفه إنه ماراح يرسل ولا يسأل مرشد يحل مشاكلنا مثل ما أنا أدوّر وأسأل ( انتظر الحل واسأل الله ان يصلح مابيننا .. جزاكم الله خير على الاقل انكم سمعتوا لي وقدرت افضفض والمعذره على اني اخذت من وقتكم