السلام عليكم مشكلتي هي أن زوجي ماعنده أسلوب للنقاش ولا عنده تفاهم ، إذا صار بيننا مشكله ما يحاول يحلها حتى لو هو غلطان ولا يعتذر . يجلس هاجرني كم يوم اضغط ع نفسي واجلس معاه واحط نفسي الغلطانه عشان تمشي الحياه . أسلوبه معايه مو أسلوب زوج مع زوجته يتكلم بصوت عالي ويصارخ عليّ ، أقول ع الأقل احترمني قدام عيالي والناس . ما اسمع منه كلام حلو مرّه إلاّ وقت الجماع مع إنّي اهتم بنفسي وبنظافتي لي 11 سنه متزوجه ، وحتى لو كنت تعبانه مستحيل أنام معاه بدون ما أتحمم ، واتعطّر وألبس لبس نوم ! زوجي يشتغل في منطقه ، وأنا أشتغل في منطقه ثانيه بيننا مسافة 800كلم ومايجي إلاّ بعد 3 أسابيع أو شهر ، ومتحمّلة مسئولية الأولاد في فترة غيابه . إذا طلبت منه مبلغ للسوق ما يعطيني بسرعه ومايعطيني إلاّ بعد صراخ ، وأنا متحمله وأقول له خلاص ما أبي فلوس بعد كم يوم يحولها في حسابي وما يتكلم معايه كم يوم ولا ينام معايه يعني يهجرني مع إنه حاله ميسور . الحمد لله كنت متحمله ظروفه الصعبه أول ماتزوجته ، واحرم نفسي من أشياء محتاجاها لأن ماعنده . حتى إذا كنا نتكلم مع بعض ما يطالع ف وجهي ، ولا يلاحظ أي تغيير فيني مثل نحفت أو صبغت أو قصيت شعري مع أني بشهادة الجميع جميله . أنا أنثى وأحتاج رجل يحسسني بـ أنوثتي ، أرجو منكم مساعدتي . وجزاكم الله خير ..