السلام عليكم من فضلك زوجى مابيحب العيش معنا حتى لايتحمل مسؤوليتنا ، وكتير نترجاه ولكن دون جدوي . كما أنه كثير الكذب يعنى لو أهله اعطوه مال لأولاده مايعطينا إلاّ القليل منه ويحلف أنه هو هذا فقط ! ومن الصدف أننا نعلم من اللى بيرسلوا لذلك ماعادت ثقه فيه من ناحيتنا ! ما العمل شيخنا الفاضل ونحن بحاجه الى كل جنيه يأتي لنا من عند الله . أولادي كبروا بمراحل مراهقه وشباب وكتير مرحله صعبه . ما العمل كى يعود هذا الأب لرشده مع العلم أنه لايتحمل مسؤوليتهم أبداً ، من يوم ماتولدوا وكان دائما أهلي اللى يصرفوا عليهم والى الان حتى تعليمهم اخواتى اللى بتصرف عليهم ولما أطلب منه يقلى مفيش. وهو كده طالما أنا لا أمسك عليه شىء يبقي أخبط دماغى فى الحيط ، وكتير اتمرضت منه ومع ذلك نفسي أخلّي أولاده عايشين فى استقرار . إزّاي يرجع بدون مايكذب عليا أو استحمل كذبه ازي . مع العلم انه اصلا مش عايز يعيش معنا ومرتاح من عدم تحمل مصاريف ولاده . بجد تعبت شيخنا أوي وانا بقالى سنين على كده ، واصبحت فى الاربعنيات معانت صغيره على تحمل هذه المشاكل . لااخفي عليك شيخنا ولا اكذب والله من يوم ماتزوجت ماشعرت بيوم سعيد ودائما ابحث لأولادي إزّاي اعلمهم ازى أخليهم عايشين مش ناقصهم حاجه اشتغلت شويه وتركت الشغل لانه خاص بسبب قلة حياء بعض الناس لا استطيع التعامل مع المجتمع الخارجى اللى عايز تنازلات غير ان البيت لاينفع من غيري وخاصه بسبب عدم وجود الأب . بالله عليك ياشيخ قولى العمل بمايرضى الله ... وجزاكم الله خيرا