لسلام عليكم ورحمة الله وبركاته .. حابة استشيركم عن كيفية التعامل السليم للزوج اللي عنده غيرة شديدة وحب التملك؟؟ انا مملكة على ولد عمي ليا 4 شهور تقريبا قبل شهرين كان معاية عادي جدا وفجاءة صار يغار على اتفه الاسباب حتى انه يغار من اهلي ومن الجوال واكثر من مرة حاول يشيل الجوال مني وقلي لما نتزوج واروح بيته انسى زميلاتي وحتى اهلي مرة بشهر ازورهم وانه مافي جوال ولا نت يبغاني بس اكون له قبل فترة صارت مشكله بيننا بسبب خالي كل مافي الموضوع انه اخو زوجي زواجه قريب وزوجي قلي انه بعد شهرين اخوه يتزوج ولما جاه خالي لانه هو اللي كان موكل او الواسطة للرجال اللي كان بيملك لاخوه قلي خالي انه راح يتزوج بعد 6 شهور وجات اخت زوجي عندي انا وياها صحبات مرة وهي بنفس عمري سألتني اش قال خالك وقلت لها والله قال بعد 6 شهور وعادي جدا نزلت البيت علما انه اخوها اللي بيتزوج مطلق وعنده عيال صغار قالت بمزح للصغار يلا حبايبي الله يعين راح نهتم بيكم الين ابوكم يتزوج ونصبر 6 شهور الله يعين قام زوجي قالها 6 شهور وليش قالت ايوة خال زوجتك قال قلها مين قالك قالت زوجتك وكان عادي جدا واخوه اللي يتزوج كان معه شال نفسه وطلع وزعل مرة على حاله لانه عارف انه اهله ماراح يصبرو كثير على عياله بسبب المشاكل اللي تصير عندهم المهم زوجي اتصل عليا وقام يخاصم ويقولي اللي هو بناه انا هدمته ليش بهدي السهوله هو يقصد هنا نفسية اخوه وقلي ليش اقول لاهله اللي قاله خالي وما اقول اللي هو قاله كل مافي الامر انه غار من خالي وقام حقد عليه وقلي لو اتكلم عن خالي قدامه راح يخليني اتحجب منه وما اكلمه ولا اشوفه بحياتي وقام يحلف انه هو مايتحمل اني اتكلم عن شخص غيره وانه يغار من ابويا كمان واخته اللي هيا صحبتي ويغار حتى من الجوال اذا لامس خدي وجاه عندي البيت وانا كنت زعلانه منه قلي انه يحبني ويغار عليا وانه لما يتزوجني راح يخليني بس له وحتى لو اطر انه يخبيني عن عيون الناس راح يخبيني وقالي انه انا حلوة مرة وماعندي ولا عيب لا في شكلي ولا اخلاقي وهو دا اللي متعبه وانه راح يدور فيا عيب ولو مالقيه هو اللي راح يسويه ليا قصده يجرحني في جسمي او شي ونزل للارض وباس رجولي وجعلي قلبي والله قمت انا بعدته عني وحذرته مايعيدها تاني لانه انا اللي اتذلل له وابوس رجوله مو هو والحمد لله عد كل شي على خير بس لسه هو مهو راضي بكل دا من جده لما يتزوجني راح يبعدني عن كل الناس حتى اهلي يبغاني بس له وان اتكلم بس عنه ولما اقابله لا اتكلم على اي رجل حتى لو كان ابويا الله يصلحه انا كمان احبه كثير وهو يحبني بس حبه مرة كبير هو يحبني من صغري وكبر الحب معاه عمره ماكلم حرمة ولا شاف حرمة لانه كان يحبني ويفكر يتزوجني واتزوجني انا بصراحة مرتاحة له بس هو الله يهديه اعتقد انه تصرفاته هدي ناتجة عن المشاكل اللي صارت له وهو صغير امه وابوه مطلقين وماكان في احد سائل عليه حتى انه غاب عن البيت 4 سنين ومحد سأل عنه هو زوجي فاقد اشياء كثيره بحياته اعتقد ان عنده عقد نفسية وهدفي اغير حياته وانسيه اللي شافه انا احمد ربي انه طلع ولد حلال ومهو داشر وانه يخاف ربه لانه عاش حياته من مكان لمكان وهو الان صغير عمره تقريبا عشرين سنه وانا اصغر منه بسنتين عاش حياة مرة صعبة الحمد لله على كل حال اتمنى تنصحوني يا اخوان كيف اتعامل معاه واساعده في حياته؟؟ شكرا لكم....

وعليكم السلام ورحمة الله وبركاته . .
 وأسأل الله العظيم أن يختار لك ما فيه خيرك وصلاحك وقرّة عينك . .

 أخيّة . .
 الزواج  والعلاقة الزوجية ليست علاقات عاطفيّة ولا هو علاقة جبر خواطر ..
 والزواج ليس معملاً للتجارب . .
 إن اهم خطوة في بناء الحياة الجديدة هي خطوة ( حسن الاختيار ) .
 حسن الاختيار يقوم على  اساس ( الرضا ) المبني على قاعدتين :
 - الأولى : حسن تديّن الخاطب . بمحافظته على الصلاة  والشعائر الظاهرة .
 - الثانية : حسن أخلاق الخاطب .
 قال صلى الله عليه وسلم : " إذا خطب إليكم من ترضون دينه وخلقه فزوّجوه "
  فأهم ما يعينك على اتخاذ قرار صحيح في اختيار شريك حياتك أن يقوم في نفسك  الاحساس بالرضا عن الخاطب  تبعاً لحسن دينه وخلقه .

 أخيّة . .
 لا تدخلي حياتك  بفكرة ( ابغى أغير حياته ) . .  فالحياة الجديدة فيها مسؤوليات وتبعات  وليست بحاجة إلى أن تضيفي عليها مسؤوليات جديدة .
 ثم إن الحياة في خضمّ المسؤولية ليست كالحياة في البحبوحة والسعة .

 أخيّة . .
 يظهر أن زوجك فعلا يعاني من مشكلات نفسيّة . .
 ربما فراق والديه وعدم شعوره بمن يهتم به ويرعاه ولّد عنده نوع من الخوف ( من الفقد )
 الغيرة الشديدة ( خطرة ) تشكّل خطورة على العلاقة . .
 نعم قد يكون يعني ما يقول حين يقول أنه سيمنعك من اهلك وصديقاتك . . سيما وانه لا يزال قليل الخبرة صغير العمر .

 اقترح عليك :
 1 -  أن تقترحي على زوجك أن يحضر دورة تأهيلية قبل الزواج . واحرصي أن تحضري أنت ايضا .
 2 - أن تتكلّمي مع زوجك بهدوء  وفي لحظات هادئة .. وأفهميه أنك تحبين غيرته عليك .. لكن قولي له أنك قرأت أو سمعت أن الغيرة الشديدة قد يستغلها الشيطان ليفسد ما بينكما .
 3 - ذكّريه أن من اسباب السعادة  والبركة في الحياة الزوجية الحرص على برّ الوالدين .
 وأن ( والديك ) و ( والديه ) ينبغي أن يكونا شيئا أساس في حياتكما في إدارة حياتكما .
 أعني تعاونكما على البرّ بهما . .
 حفّزي فيه الشعور بالبرّ والاحسان .

 من الجيد لو أنه عرض نفسه على مختص أو مرشد اجتماعي أو نفسي ليساعده بطريقة أفضل ليتصحح عنده بعض المفاهيم ويخرجه من بعض الأفكار والنفسيات الخاطئة .

 أسعدك الله ورعاك ؛ ؛ ؛