السلام عليكم انا بنت ب30 مشكلتي هي اني عشت باسرة متشددة ومو اجتماعيه كانت طفولتي ومراهقتي من البيت للمدرسه وبس وماكنت اعرف حتى اقاربنا . بعد تقاعد ابوي انتلقنا لديرتنا واجهونا اقاربنا بمشاكل واستمرت فترة وبحكم ان ابوي متشدد وعصبي كانت ردة فعله على اقاربنا انه قاطعهم ومنعنا نقابلهم كلهم بلا استثناء ، عشنا سنوات وحيدين وفوقها شدة ابوي وقسوته علينا وعلى امي المهم كبرت وكبر ابوي وضعف وصرنا بعض الشي نجتمع بالناس ونزور اقاربنا ، ونحضر المناسبات وهنا مشكلتي انا اجتماعيه بطبعي وكنت بايام الدراسه والجامعه مو وحدي وعندي صداقات ومعارف لكن المجتمع اللي انا فيه الحين عجزت اتاقلم معهم . يشوفوني غريبه وماقدر اتعرف عليهم واكون صداقه معهم ، اذا اضطريت اطلع لمناسبه قريب اتعب من الوحدة وان ماحد يستمتع معاي ويتجاهلون وجودي بينهم ماادري هل هو احساس فيني والا بجد نظرتهم لي غير من مشاكلنا واللي يسمعونه عنا! كيف اكون اجتماعيه ويكون لي صداقات وما اخجل ، كيف يكون لي حياة اجتماعيه وابوي غالبا يرفض خروجنا لاي زيارة او مناسبه واجلس بالشهور او سنه ما اخرج من البيت! كيف اتخلص من الخجل ومن نظرات الشفقه من البعض او نظرات الاحتقار واخليها تقويني ماتهزني ، كمان اذا حضرت مناسبه ارجع البيت احس بخنقه وضيقه وش سببها . افيدوني بكتب او دورات اونلاين مجانيه حتى اقدر اطور نفسي