السلام عليكم ورحمة الله وبركاته .. أنا متزوج منذ عشر سنين ، بدأت ألاحظ على زوجتي العناد الغريب ! والشي اللي مثلا أراه غير مناسب في حياتنا الاسريه وفيه مشاكل مثل برامج التواصل الاجتماعي على الجوال سلبياتها أكثر من إيجابياتها ، إذا كانت الصحبه أو الأعضاء محرضين أكثر من ناصحين مما جعل زوجتي مجرد سماعها نغمة اتصال لجوالي مباشرة تنظر الي نظرة الشك وتسأل من المتصل أو ايش المقطع اللي شفته انت في جوالك لازم انا اشوفه !! وإذا رفضت وأكون صريح هذي خصوصيه وغير ذلك تزعل ولا عاد تتكلم معي ممكن اسبوع لدرجة الأكل ماتقوم تسويه لأني ما استجبت لكلامها ، وحاولت أفهمها والله لكن تقول أنا من حقي أعرف ايش في جوالك ، وأنا عكسها تماما معطيها الثقه ولا أشك فيها . كثيرة العناد ولا تهتم لرضاي أزعل أو لا ! حتى إذا رجعت ترجع بدون أسف لدرجة أني أسألها هل آذيتك بشي ؟! هل تكلمت عليكي أو أخطأت في حقك ؟! هل منعتك من شي تتمنينه ؟! تجيب لا انت ماتقصر معي . ولكن ألاحظ عندها أقارب تتغير وتتأثر منهم ، وكذلك صاحباتها أحس انه الجميع من اقاربها مشاركيني حياتي ! يعني تحب تسمع وتجي تطبق علي وتزعل غذا مانفذت كلامها لدرجة أني دخّلت ابوها وعمها لاني حاولت اني اتزوج ولاكن التجسس في قلبها خلاها تفتش في جوالي واتهمتني اني امشي في الحرام ، وأنا كنت خاطب وبينت السبب لها انها عنيده ولاتحترم وهذا هوالسبب اللي خلاني أخطب أو أتزوج عليك، قلت حرام اللي تسوينه . ادخل عليها باحترام واخرج باحترام ما حب اشتم أو أغلط عليها أبداً ، لكني أجد العكس ولاتهتم لكلام ابوها وعمها . حاولت اني التحق انا وهي في دورات تدريبيه لشؤن الاسره ونجاحها تقول طيب لكن بحكم عملي وعدم معرفتي بالمراكز أجّلت الموضوع حاليا ، ولكنها مستمره في وضعها أنا أرسل لها بعض المقاطع الدينيه اللي تبين حقها كزوجه وحقي كزوج ، ولكن احس اني ماسويت شي بل أحس أنّي أرسلت أشياء تحرضها علي وتزيد في عنادها ممادفعني للبحث عن الزواج عن ثانيه لدرجة أني أخبرها أن عنادها وعدم سماعها لكلامي يبعدني عنها لأنه فيه تهميش وعدم احترام لي في بيتي وأنا أبي احترامي واحاول افرضه بالتعامل الجيد وكسب القلب ، لكن للأسف وهذا بالنسبه لي يجعلني ابحث الف مره عن زوجه تحترم وتقدر كلام الزوج . أريد رأيكم في وضعي ودمتم سالمين .