السلام عليكم ورحمة الله وبركاته أشكركم على هذا الموقع الأكثر من رائع لقد ارسلت لكم استشاره ولكنه لم يتم الرد ولحاجتي لمشورتكم بعد الله سبحانه وتعالى اضططرت لاعادة كتابة الاستشاره مع التطورات انني استشير في موضوع اشوي حساس ... أنا ياشيخنا الفاضل توي والده وبنتي صار عمرها شهرين وزوجي ولله الحمد مو مقصر ف شي الا في علاقتنا الخاصه والعواطف ؛ اهو لاعب كمال اجسام واستخدم ابر تحفيز هرمون التسيتوسيترون وابر تنظيف او تثبيط انا ياما وياما نصحته يبعد عن هالاشياء ويفكر في نفسه وفيني ولكنه ماعبرني ، والحين ياشيخنا الفاضل زوجي من بعد اللعب بالهرمونات اصبح هالفتره ماعندو رغبه بالخالص انا كملت اربعين يوم بعد الولاده توقعت زوجي يكون ملهوف كالعاده ولكنه فاجأني ببروده وصار لنا ثلاثة اشهر لم نقم علاقه خاصه . خلاص ياشيخ انا الحين بردت مشاعري ومااقدر ارد زي اول وماعاد لي رغبه بعد والي مزعلني اكثر انه لاعوضني بدال هالشي بأي شي اخر لا حضن ولابوسه ولا هديه صغيره ابدا ويوم اطالبه اني محتاجه حضنك يقولي هاذي افلام هنديه !! أصبحت حاجتي له فلم هندي ، الحين اهو رد لعقله ويقول معاكي حق تزعلي والحين بس كلمني وصارحني ولا ياشيخ ثلاثه شهور ولاكأني زوجه هذا مو تقصير هذا هجركسر شي داخلي ويقول وش يهم المرأه غير اخلاق وكرمه الرجل . يحاول يبرر حق روحه واقوله هاذي من ابسط احتياجاتي ويحاول يرد اللوم علي ويقولي الحين شهر شهرين وبيستخدم علاج ويقول انه بيرد مثل اول واحسن واني اوقف معاه واسانده ، قلت له اوك بوقف معاك وبساندك بس في شي داخلي اكتسر لهفتي وشوقي راحو تجهيزي لاحلى ليلة لقى بينا راح والحين يبي اكون جزء من علاجه ، وانا والله ياشيخ ماني قادره اجامله شايله ف خاطري منه وماحاول حتى وهو يعدل الوضع بينا باشياء تطيب خاطري الحين انا ابي ارد مثل اول بس ابغاه يحس باللي سواه ويأنبه ضميره وابغى اوصله انه مايكون اناني يفكر فيني قبل هوايته اعتذر عن الاطاله لكن اتمنى ان تردو علي بأسرع وقت ممكن واشكركم جزيل الشكر