السلام عليكم .. أنا عمري 22 متزوجه ليا سنه ، وزوجي عمره 30 علاقتنا حلوه نحب بعض كثير لكن في مشكله أساسيّة بحياتنا وهي إنه إلى اليوم ماتمت دخلتي!! حاولنا كثير بس مافي شي تم . نفسيتنا منهاره . بداية زواجنا كنت أقول لزوجي عن خوفي ، وإنّي أبغى مهله ، ذا الشي صدمه وخلّاه لما بدأ يحاول لإتمام الدخله يحاول ما يؤلمني وبمجرد مايلاحظ إنّي شادّة أعصابي يبتعد . هناك عدة أسباب لفشل محاولاتنا : - مرّة يكون السبب إنّي شادّة أعصابي ، وأنا أحس إن دا الشي طبيعي لأن صعبه أكون مسترخيه 100? ولمّا أكون شاده أعصابي مايكون بطريقه سلبيه مثل الصريخ ، وإبعاد زوجي لا ، بس أكون مو مسترخيه تماما ودا الشي دايما يخلي زوجي يتضايق وتفشل المحاوله ! - ثاني سبب :عدم معرفة وضعيّه مناسبه ودا السبب أكثر سبب متعبنا لأنه لو تخطينا كل المشكلات نعلق هنا وهوا بيتعب وهو يحاول أو يقذف وتفشل المحاوله ! - ثالث سبب سرعة القذف بالنسبه لزوجي مع ملاحظة أن زوجي قادر جنسيا وماعنده إلاّ مشكله بسيطه وهيا سرعة القذف - ورابع سبب نفسيتنا المحطمه ، من كثر المحاولات الفاشله صرنا كل مانحاول مايكون عندنا أمل ونكون شبه متأكّدين من الفشل ! أنا مرّا طفشتت وخايفه حياتي تخرب مع زوجي ، أنا مرّا أحبه وهوا يحبني وأبغى نكون عايشين حياه جنسيه سليمه ، أنا وياه نتكلم كثير بذا الموضوع ونفكر سوا كيف نتخطاه ، لكن تعبنا لنا سنه كامله ماتم شي ، وزوجي بدأ يبعد عني و ويكتئب ، وأنا كمان صايره نفسيتي منهاره من أي كلمه أتأثر ! بليز أبغى حل أو رأي أو أي شي !