السلام عليكم أنا متزوجه ولي 3 شهور شعرت بضيقه وقلت لزوجي أن يوديني لأهلي ، وودّاني ، وطول الطريق لم أتكلم معه لأني متضايقه ، وهو يحاول فيني أن أتكلم معه . ونزلت وماقلت له شي أو كم بقعد ، وارسلت له : إن وصلت علّمني ! لأنه بمنطقه ثانيه ولا علّمني ولا كلّم يسأل أو يتطمّن ! اليوم الثاني كلّمته وحسيت إنه ماله خلق ويالله سأل عن حالي . أنا قلتله إنّي بكلم شيخ وبيجيني بكره أو بعده . سكرت منه وأرسلت له رساله فالواتس صوره مضحكه وعلقت عالصوره . المفروض يرد يعلق بشي مارد . ومر يومين ماكلم وأنا في بالي إنّي ماراح أكلّمه لما يكلم أو يسأل عني . لأن الحق لي ولأنّي أنا اللّي دقيت عليه أول مرّة ، ولاعاد كلم أو سأل ولارد فالواتس علي . المهم بعد يومين أرسل لي : وين الناس !! يعني بدل مايكلم يتطمن علي أرسل رسالة ولا يشره علي !! هذي المحادثه الّلي دارت بينا : هو - وين الناس انا - مثل بعض الناس هو- اها اوكيه خليك على وجهك انا- كيف هو- نفسك وضعك مطنشه وشوفي من الي بيخسر انا-الحين لاتكلم ولاسالت اقلها رساله واخرتها تقول وين الناس وانا الي طلعت مطنشه هو-وانتي ويش يردك ماتدقين المهم الي عندي قلته والي عندك قلتيه تبين شي ولاوصيك خليك كذا رافعه خشمك ليه انا-بعدين ايش هالاسلوب هو-ولابرستيجك مايسمح انك تتصلين شوفي من الي بيكون قد كلامه ترا مابي ازعاج فمان الله انا-حمدلله سلامات شفيك وش هالكلام ابد دقيت وارسلت وقلت اشوف متى بتذكرنا هو-لحد يذكر الثاني احسن انا- ترى القلوب مولعبه عند الواحد يجرحها بالكلام وتصرفه ولاتغير وشال بخاطره قال شفيك متغير الله يهديك ويسامحك هو-الله يسامح الجميع بسالك في مراه ماتسال عن رجالها يومين انا- انا كلمتك وارسلت ولارديت وليه مايكلم الرجال ويسال عن مرته هو-شفتي الكلام معك عقيم انا-يمكن تعبت اكثريمكن صارلي شي ماتكلم تطمن طيب سوال ليه ماكلمت انت هو-لان تضايقين مني وانا مشغول بس خلاص دريت ان برستيجك مايسمح انا- خليك صريح وواضح اكثر التضايق هذا رااح من زمان هو-انتي في عالم وانا في عالم انا-وانت مشغول وتشره وتقط الشرهه علي هو-حلاص اسف انا الغلطان انا- لاحظ انك تحملني الشرهه وش جاب البرستيج والخربطه هو-بالله انا زوجك في وش ماتسالين حي ولاميت المهم انا اتعب نفسي ليش تبين شي الحين انا-بالله انا زوجتك في ويش ماكلمت عقب ماكلمتك ولاسالت ثم تشره انا قلتلك بشوف متى تسال وانت اخرتها تقول انا مشغول والحين تقولي انا زوجك في ويش هو-ادري ان الغلط مني انا-ترى الكلام مايروح عالعموم الله يسامحك ع هالكلام واشكرك ع حسن تقديرك لي هو- ههههههههههه اذ الكلام جارحك انا وش اقول المهم خلاص كل شي اخترب لاتتعبين عمرك مع السلامه وطلع وطلعت . هذا الكلام أمس والحين أبغى مشورتكم : إيش أقول أو أعمل . هل أتركه لما يتصل فيني أو ماذا ؟! هو الغلط منه ولاقدر احساسي وجايني يتشره ويحملني غلطته إنه ماكلم ولاسأل ! أرجو الرررررد بأسرع وقت بساعه بساعتين لأن الموضوع حساس وجزاكم الله خير .