متزوجه من سنه و4 شهور وعندي ولد واحد فتره خطوبتي كانت سنه ونص من وقتها وانا وزوجي نتناقر على كل شي طبعا ماهتميت للموضوع ?ن كان مناقراتنا على ا?تصا?ت ليش ما ريدتي ؟ أو فينك مااتصلتي ؟! قلت بس نتزوج تنتهي . المهم من أول يومين زواج انصدمت بزوجي .. جا قال هذا ممنوع وماتطلعي كذا وماتسوي كذا وانا كذا كانت كلها أوامر ؛ طبعا وأنا قلت له من قبل أنا أحب الشخص لما يمنعني من شي يقنعني ويفهمني ليش !! عموما اخوي تتدخّل وتنازلت وقبلت طلباته عشان نعيش حياتنا . حملت بسرعه ونحنا كل يومين مشكله لأنه حساس جدا وأنا نفس الشي ، وهو يزعل بسرعه ويعصب بسرعه يعني لو سألت سؤال ماعجبه عصب ، وقال لي سؤالك ينرفز ، أسلوبك مستفز !! اوك مشي الوضع كل يومين مشكله وزعل لين ولدت وبرضو نفس الشي بعد الو?ده وصار الولد له دخل بمشاكلنا يقولي انتي تتحججي بالولد وبس تشتكي لأني أوقات أجي أفضفض له إني تعبت اليوم من كثر بكاه أو ما خلاّني أنام ، يعني مجرد فضفضه تضايق منها بعدها بدا دوامي وصرت أقصّر في الطبخ بحكم الوقت والبيت والولد ومجرد ماجات الإجازة قررت أعوضه لكن انصدمت إنه راح يشتكي ?خوي وقتها جيت اقوله ع ا?مور الي مقصر فيها طبعا هو من تزوجنا مايجلس في البيت لأنه يربّي حيوانات وماخده كل وقته واهتمامه وغير دوامه الرسمي لما اقوله من حقي تجلس معي كل يوم يقولي ? بس افضيلك نفسي يوم واحد واضطر اقفل الموضوع بتدخل اخويا وناخد فتره ونرجع لنفس المشكله . انا تعبت منه ومن تفكيره طبعا زوجي أول شي ضد عمل المرأة ودايم يقولي تدرسي ع الفاضي ومتعبه نفسك واخرتك المطبخ تحطيم لأبعد درجه وطبعا هو شرط ع أبوي إنّي ما اشتغل ، وابوي وافق بدون ما يسألني . وهذا الشي مضايقني كثير وغير كذا زوجي أبسط الأمور يرفضها ؛ مثلاً إني أنزل معاه لسوبر ماركت يقولي : ? مو ?زم . نروح مطعم يقولي ? ماعندنا الكلام ذا ؛ إنّي أخرج أو أروح لصديقاتي ? مايبغى !! تعبت لأني حاسّه إنه تزوجني عشان أكون خدّامه أنظّف بيته ، واطبخ واغسل وبس ! ودايم يقولي روحي أسألي أمك انتي متزوجه اش حقوفي عليكي ؟! أقول له طيب انت فكرت ف حقوقي سويتها لي ؟! هوا من ناحيه المال يعطيني بس المشكله انه مايصارحني ويكتم ويجي مره وحده يفجر كل شي وانصدم فيه طبعا وغير كذا أنا جامعيّة وهو معه ابتدائي ، وهو اكبر مني بـ 8 سنوات حتى الحب صرت محتاره أنا أحبه والاّ ? !! احس إنّي ضايعه ومو قادره اتعامل معاه طبعه عنيد يجاوب السؤال بسؤال تفكيره قديم إن المرأة مالها رأي و? تتكلم ، وإنها تجلس في البيت وبس ، وغير كذا حابه اعرف ايش حقوفي كزوجه وايش حقوقه كزوج طبعا هو ع طول يسمع محاضرات عن حقوق الزوج اقوله طيب وحقوق الزوحه يقولي انا مو مقصر واعرف حقوقي . أحس اني تعبت لأني في أول عمري وابغى اعيش مبسوطه ماني قادره أتفاهم معاه ومو عارفه فين مشكلتنا والغلط من مين هذا الي اقدر اقوله