مرحبا ، أنا بنت متزوجة وعندي طفل عمره سنتين عمري 27 والحمدلله مرتاحة بحياتي الزوجية .. بس مشكلتي ، وانا بعترف فيها بس مو قادرة أعالجها أو ألقى لها حل ، وهيي مضايقيتني كتير .. أن قلبي مو صافي يعني بحقد كتير وبزعل من شغلات ممكن تكون تافهة بس بتأثر فيي ، ولازم بين فترة وفترة أعمل مشكلة على أشياء مابتستاهل بس بوقتها بحس إنها كبيرة ، وبعد ما أعصّب بصير أحكي حكي المفروض ما أحكيه .وما بفرق بين أب أو أم أو زوج أو أهل زوج !! وهاد الموضوع بعملي كتير مشاكل وبندم بالنهاية بس برضو ما بعرف اتراجع وحتى لما تخلص المشكلة وتنتهي بضل حاملة بقلبي ومابنسى ..الكل ماخد فكرة عني اني بحب المشاكل بس أنا والله مو هيك بس أنا ماعندي قدرة على ضبط النفس وبحقد وبحمل بقلبي على الناس .. نفسي يكون قلبي أبيض صافي ، وأنسى الإساءة ، واعيش بسلام حاولت كتير بس مو عارفة وبتمنى ألاقي عندكم الحل .