زوجي رجل لايرى بالزواج الا الجنس فقط .. بداية الزواج انصدمت بالموضوع عندما سألته ايش هدفك من الزواج ؟ قال الجنس فقط ! انصدمت وخفت منه وماتم الجماع بشكل كامل الا بعد ٩ شهور من الزواج بسبب خوفي من العملية الجنسية بشكل كامل . حاليًا لنا سنة ونص متزوجين كنت ومازال مستمر يوميًا يريد العلاقة ٥ مرات باليوم ولا يكتفي.. انا صراحة مقصرة في هذا الموضوع معه اتعب جدًا بعد العلاقة واجوع واذا قلت له ابي اكل يقول انت تتدلعين وتتمنين علي بالعلاقة ! حرفيًا ما يهتم الا برغباته ونفسه .. عمره ماقال نجيب من برا مطعم لازم انا اطبخ وانظف وادلعه بالعلاقة وادرس ( انا طالبة )وووو ! والموضوع جديد علي ومو سهل ! قلت له الموضوع مو سهل ساعدني عشان اقدر اسوي كل شيء تبيه .. مره نجيب من برا اكل او مره انت تغسل المواعين عشان مايكون علي ضغط ( هو حاليًا مايداوم وانا اداوم ) غير كذا بخيل معي .. اذا قلت له نحتاج مقاضي يعيي يوديني يقول لا انا اقضي انت لاتجين ويجيب الاشياء اللي يحبها ويبيها بس ( مايجيب اللي اكتبه ) واذا قلت نطلع نتمشى يقول السعادة بالقلب مايحتاج نروح مكان . وانا متعوده على التمشيات والوناسة والطلعات وهو طول الوقت يبي ينسدح ويسوي علاقة الموضوع مممررره مررره مكرهني فيه ... اذا قلت له نروح نتمشى يقول خلي اهلك يمشونك !!! انا ما احب التمشي !؟ ما ادري ايش المفروض اسوي لاني طفشت منه وطفشت من عدم اهتمامه الا بالجنس .