السلام عليكم ورحمة الله وبركاته انا مشكلتي مع زوجي ازليه حاولت القى لها حل ماقدرت ووصلت مرحله اني كرهت نفسي بسبته انا احب زوجي وهو يقول انه يحبني بس هالمشكله دايم توصلنا لطريق مسدووود المشكله هي:انه يفكر في العلاقه الحميمه انها شي لازم يسويه كل ليله ماخذ الموضوع عاده فقط وفي اي وقت يشوفني فيها يلا تعالي امام الاولاد بدون اسلوب ولااحترام ولا تقدير لي اذا كنت تعبانه جسدياًاو نفسياً بحجة انه حق من حقوقه وان الملائكه راح تلعني اذا رفضت ودايماً كنت اضغط على نفسي وانا اكون مريضه وألبي له طلبه ويعرف اني مريضه بس مايهتم اتظاهر اني مستمتعه معه بس علشان يرضى علي وانا من داخلي اصييييح وابكي انا مو عجزانه عنه او ما اتحمل طلباته بالعكس انا انسانه حساسه ورومانسيه بس في الوقت الصحيح وباأسلوب الصحيح انا اصغر منه بعشرين سنه وهو قارب على الخمسين محسسني اني متبلدة المشاعر وان عندي برود جنسي وانا عكس كذا تماماً انا الان وصلت مرحله ماعاد اقدر اجامل فيها ارهقت نفسياً الانسان مهو الة من حديد لابد انه يجيه يوم يتعب فيها صار اذا طلب مني شي وانا تعبانه اقوله اني تعبانه اليوم ان شاء الله بكره واحاول اني اتكلم معه بهدوء ودايما تكون ردة فعله قويه وقاسيه اما ان اجيه وانا تعبانه او انه يزعل ويهددني دايما يقول لي انتي ماتقدريني ولا تلبين طلباتي ابا اجيب وحده تشيل عنك وتريحك!!!!!!!!!!!! يعني اتعب وارهق جسديا ونفسيا ولا يتزوج علي ويدمر بيتي وعيالي انا تزوجته وانا عمري ١٥ سنه وهو اكبر مني بعشرين سنه ولنا فوق العشرين سنه متزوجين ماعمري شكيت لاحد مشاكلي وحافظه اسرار بيتي وصابره علشان تدوم العلاقه لاجل عيالنا وهو اما ارضيه على حساب نفسي او يهددني بالثانيه وهذا الشي مستحيل راح اتحمله خصوصا بعد التضحيات طول هالسنين كنت انسانه احب الضحك والناس قبل الزواج وصرت هالحين انسانه ثاااااانيه انطوائيه مكتئبه لدرجة اني اهملت نفسي وصحتي من كلامه السلبي والقاسي اتمنى القى عندكم نصيحه تنفعني وتحل مشكلتي لعل الله يفرج همي سؤالي هو :كيف اتعامل معه كيف اخليه يفهم ان العلاقه الحميمه مهي شي روتيني لازم يسويه هي ارقى من كذا هي علاقة حب علاقه مميزه جدا لها اسلوبها الخاص ووقتها الخاص ؟؟؟؟؟؟؟؟؟