السلام عليكم ورحمة الله انا متزوجه من سنتين ولدي بنت ، زوجي ملتزم ولله الحمد ، وأنا أيضا من عائله محافظه.. في شهر العسل لم نتمكن من السفر للخارج بسبب ظروف العمل ، بس سنه من زواجي سافرنا إلى الامارات لم يعجبني الوضع هناك وزوجي ايضا . لكن لاحظت عليه أنه يختلس النظر إلى النساء وهذا ماضايقني كثيرا لدرجه أننا ونحن ذاهبون إلى برج خليفه كنت كاشفه عن عيناي فقط قال لي إن الرجال سينظرون اليك قلت المكان خالي ، قال انظري إلى تلك المراه ( لو مالبست شي أحسن ) !!! كانت امرأة كبيرة بالسن بعيدة عنا انتبهت اليها ، ويدبو أنها أجنبية وكانت ترتدي الشورت الضيق ! قلت له بكيفك طالع زي ماتبغى هذا شي بينك وبين ربك ورفضت اغطي عيوني ويديني وتزاعلنا وبعدها رجعنا للسعوديه ، وجلس يقولي إنّي ما أغار رغم أن غيرتي شديدو لكني ما أحب أبيّن وأني زعلت عشاني متضايقه من العبايه والغطاء! يعني فهمني غلط !!\ المهم انتهى الموضوع وقلي خلاص أصلاً أنا مطوع ومايصلح اطلع برا ولاتقوليلي مرا ثانيه نطلع.. بعد 7 شهور قرر أننا نطلع للإمارات وصلاله طبعا وافقت لأنه كان مصر واستغربت من تقلب رأيه . طبعا طلعنا من 12/1 رحنا أبو ظبي وكان معنا خالي ، لما وصلنا انكسرت شاشه جوالي وصحى الصباح بدري وراح يصلحها لوحده . أنا لمّا صحيت انقهرت مره ليش يروح لوحده والمكان كله حريم ، لمّا رجع حصل بيننا مشاده كلاميه قدام خالي . بعدها قررت اتحمل عشان استانس بالسفره وكذا طول الوقت يطالع بالحريم ويعلّق ويقول يبغى يسبح وأعيي عليه ومن هالحركات لما رجعنا . والحين يقولي نبغى نطلع اوربا هو يحب السفر ولو مارحت معاه بيروح مع أصدقاءه ، لأنه دايم يقول بروح الأردن مع إخواني وأنا رافضة ! ويبغى يروح مصر مدينه طابا يقول بغوص يحب الغوص ، وانا رافضه فكرة إنه يطلع لوحده ومستحيل حتى أروح معه مصر !! وش رأيك يادكتور؟ وكيف أخليه مايطالع في الحريم . وهل أبين له غيرتي ، وأتكلم معاه وأقول له لاتطالع !! رغم أني جميله وما أقصّر معاه بشي ودايم يقول هالكلام ، ومرات يقولي بتزوج وأنا بصراحه أخاف إنه يتزوج وصايره مرّه شكاكه ، لدرجه إذا جلس ماسك جواله أشك وأجلس أفتش وما ألقى شي . مره لقيت رقم خطابه ومره لقيت محادثه مع صديقه يقوله بتزوج ولما تكلمت معاه بشكل غير مباشر ، قال لي انت مو مقصره معاي بشي ومره قريت مرسل صديقه ليش تبغى تعرس ، قال كان في راسي شي وطاح حتى لما اتصل عليه ويطلع انتظار أشك مررره واخذ ارقامه اللي بدون اسم واشوف اسمائها ، وهو صاير يحس إنّي أشك فيه . أبغى أتخلّص من الشك وماامسك جواله كيف؟ رغم انه مو حاط رقم سري .. وجزاك الله خيرا