متزوجه من ابن عمي شبه عاطل موظف سعودة في شركة وشهر يعطونه وثلاثه شهور او اكثر لا، لدي ابني الذي لم يكمل العام من ذوي الاحتياجات الخاصة ويحتاج مصاريف علاج طبيعي ومستلزمات طبيه ، زوجي محطم نفسياً ولا يرغب ان ينصحه احد بالبحث عن عمل يتهرب من مناسبات العائلة الاجتماعية ، يخلف وعوده احيانا يكذب احيانا ،لم اكن اعلم قبل الزواج انه كذلك كنت اعتقد انه مستقر وظيفياً وانه شاب فله كما كان وهو صغير. كان موظف في حرس الحدود وكان سعيد ومتحمس بعدها توفى صاحبه في حادث معه وتعبت نفسيته وفصل من دوامه. كل بعد فترة اذهب لاهلي اهرب من جوء المنزل الممل القاتل الجأ لاهلي اذا كان لدي مواعيد لابني اخشى ان يفوتها زوجي بنومه او عناده كنت في بدايه زواجي سعيده والان انا شبه ميته يائسه يحرجني مع الجميع. لا استطيع ان اشتري للمنزل او لي او لابني او شي ادخل به في الزيارات الاهليه والمناسبات كل كلامه وتصرفاته مازال عالق في الماضي وكيف كان وماذا كان يفعل. كل مره يفاجني انه مديون من زمان او مخالفاته الكثيره او انه لايستطيع فعل شي او لايعرف اشياء بسيطه وكانه شخص قديم في التفكير والمظهر يهرب من العالم الواقعي ويتابع افلام كرتون قديمه ويضل يعيدها دايما قبل ان ينام لديه ارق ويجلس اوقات كثيره صاحي. انا تعبت معاه راتبي من القطاع الخاص ٣٠٠٠ ثلثين لابني علاج طبيعي والباقي مصاريف له من حفاظات الى حليب او اذا احتاج شبه شهري مستلزمات طبيه ودايم لمن استلم راتبي يهزني ويقول بخيله وماتعطين يلعن ام البخل اللي فيك لا اخرج من المنزل كثيرا ويقترح لي من بدايه زواجي مشاوير ورحلات نتمشى وننبسط فيها وبمجرد ركوبي معه يقول عطيني حق البنزين وحق التمشيه والباقي في جيبه يرجعني البيت ويخرج مع اصحابه صرت ارفض اخرج معاه عشان لايخلص القرشين اللي عندي استغفر الله العظيم مدري وش اقول عشان لا اظلمه يحبني والله كثير ويحب ولدنا وهو انسان طيب وبريئ ولطيف ، لكن تعبت معاه الحين اخر تمشيه سافرنا ويروح يسهر مع اصحابه كل ليله ويظل يطلبني فلوس بنزين ومشوار اقل شي ياخذ شبه يومي ٥٠ بخليني افكركيف ادبر ولدي ونفسي لين اخر الشهر. اذا عطيته اي مبلغ وطلبت شي بسيط من البقالة يحرص انه مايرجع لي الباقي يشتري اي شي غبي يعبي بنزين اهم شي مايرجع لي ولاريال ، احيانا احس انه يحسدني ويتمنى تخلص فلوسي اللي معايه لو عشره ريال كيف تبقى في المحفظه ما اسوي فيها شي! لازم تنصرف او في نظره انا بخيله والله العظيم مرات تلاجتنا فاضيه وانام بجوعي واحس انه في نفسه يقول عندها فلوس وماتشتري. عندي قطه للدوام للفطور والماء ١٥٠ واسدد فاتورة الكهربه تقريبا حول ال ١٠٠ تزيد او تنقض وجوالي بين ال ١٣٠ وال ١٦٠ واحيانا اشحن له جواله مو دايم ب ١٥٠ عشان يشترك في النت، انا بجن عشان اضبط ميزانيتي والاوضاع صعبه ، اخواننا واخواتنا كلهم مستقرين الا انا واياه شكلنا مزري ! واحيانا اخواني يجتمعون ويجلسون تكلمون عنا وليش اني عند اهلي وما اخرج وليش ماتقول لزوجها يشغل عمل اضافي على اساس عمله الحين تمام . وليش مايجمعون يصلحون بيتهم او المكيفات لانها كلها معطله ماعدا غرفه النوم احيانا يقولون لي نجيب لك عامل يصلح البيت او نعطيك مكيف زايد عندهم او اي تعليق زي كذا اتنرفز واقول مانبغى شويه ونصلح محنى مستعجلين اي كلام اصرفهم صرت مرره عصبيه ومنوفزه وجارحه بالكلام حتى امي وابوي اعصب عليهم اذا لمحو اني طولت عندهم او جابو طاري زوجي. انا اكرهه لمن يطلبي وهو شاب قوي البنيه بصحته يقدر يشتغل اي شغله اعتمد علي اني اوفر مستلزمات ولدي وعلى قولته اني مدبره نفسي ،، سالفتي ممكن لو اقولها لاحد يحس ان كلامي بايخ او كله على كم قرش معايه وهو مامعاه . الصراحة لابد لكل بيت عشان يستقر ويعيش بحب وامان انه يكون مستقر مالياً عشان تمشي الحياه اقل شي يكون عنده دخل ثابت قليل او كثير ويدخر للمستقبل. زوجي مايعرف ايش يعني ادخار عنده مبدا الفلوس اللي مصروفه معاه لازم تخلص كل يوم بيومها مقدر اكلم اهلي واسوي نفسي عادي بس جايه اريح عندهم ومقدر اكلم اهله لان اهله دايم يهاوشونه ويطالبونه بتسديد المخالفات لان السياره باسم ابوه وهو اصلا زي اللي شارد منهم. وش الحل لاني مقدر ارجع البيت ادري اني برجع غصب عشان اهلي وشكلي قدامهم بس فتره وارجع لهم مليت من التشتت مليت من وضعي ! والله يغفرلي وله