كانت حياتي أنا وزوجي حياة سعيدة ، الحب والراحه والوئام . وكان هذا الشي موجود قبل الزواج وزاد اكثر بعد ما تزوجنا . مرت الأيام ورزقنا الله مولود وكان كل شي تمام ، تغير فجأة صار يتصنع المشاكل على أشياء تافه ويهدد بطلاق لكن بعد ما يدخلون أهله يتراجع ويهدأ . كان دايم ينتقد لوني شكلي ، وكان في نفس هذا الوقت ساكنين في بيت قريب من بيت أهلي ، وكان من غير ايجار يعني ماكان يدفع الا حق الاكل وحق الملبس وماكان يقصر علينا كان يعطينا كل شي من قلبه . وكانت زوجة أخوه تخطط عليه انه يكون زوج لأختها وكانت تتقرب مني كثير علشان تعرف كيف انا عايشه مع زوجي ، وبعد شهور كانت تنقل كلامي لاهله علشان تثير المشاكل والعداوة ، وبعد فتره انتقلنا الي شقه صغير بس صاله وغرفه وكانت ام زوجي دايم تجي وتنام عندنا برغم من ضيق المكان وكانت تثير المشاكل وكانت تدخل على حتى وانا في غرفتي مع زوجي بحجه انه الولد يبكي تدخل الغرفه وتخذ الولدى مني . وكثرت المشاكل مابينا وبعدها قرار بالطلاق !! كان الطلاق بشكل مفاجئ في شهر رمضان. وبعد مشاكل ببني وبينه كان عاطل عن العمل وكان البيت ما فيه ولاشي حتى حليب للطفل مافيه تكلمت معه كثير عن العمل والوظيفة ولكن في كل مره يصدني ويعصب علي وكنت من القهر أضربه وضربني ومره من المرات خدشت رقبته ، وبعد الطلاق أخذ إثباتي وشهاداتي وكل شي وبعد مفاوضات طويله أخذت منه الأوراق بعد ما استلمت ورقه الطلاق رجعت شقتي ولقيته مجمع ملابسي واغرضي بأكياس زباله سواده ومقفل الغرفه النوم عني ما صار للي مكان ! رجعت بيت اهلي وبعد فتره أخذ شقتي وأعطها لاخوه وزوجته . انقطع آلامل بالرجعه بعد للي سوه ومرت شهور وقربت تنتهي العده لكن قبل ما تنتهي قرر يرجع ورحنا المحكمه بس ما وافق على شرط انه يدفع مؤخر اذا كان نوي بطلاق ، ورفض بشكل قطعي على هذا الشرط وبعدها انقهرت منه كثير وخطبني واحد اخو صديقتي وافقت بس ما قدرت اكمل معه لانه ما زال بقلبي حب زوجي الأول و طلبت فسخ النكاح ورجعت المهر له . وبعد زواجي تزوج اخت زوجة اخوه للي كانت تبيه من زمان حق اختها وخلال هذي الفتره كان يسأل عن ولده مره بالسنه . وكنت اتصل عليه علشان ولده بس كان يرد بمزاجه وما كان فيه اي مصروف حق ولده طول هذي الفتره وكان يبي يأخذ ولدي مني مع محاولات كثيره من أهله في نفس الموضوع . بعد زواجه صار عنده بنتين بعد ثلاث سنوات من زواجه الثاني والحين يقول يبي يرجع لي وخايف من رده فعل زوجته ويقول انه يحبني وما يقدر يعش من بدوني و في كل يوم يتصل وده كل يوم يجي عندي بس انا احاول أني ما اشوفه او اقول أني مشغوله ايش الحل معه؟! مع أنى أحبه بس خايفه كثير إنه يرجع ويتركني مرة ثانية .