من سنه فتحت جوال زوجي لإجراء اتصال هاتفي فتح لي برنامج أول مافتح قفل الجهاز برنامج hi وكانت مفتوحه على محادثه مع امرأه وزوجي كتب في المحادثه : إذا تقدرين تسافرين معاي دقي على هالرقم وحاط رقمه ! واجهته وأنكر إنه هو وقال انه أكيد أحد من أصدقائه يمزح معاه ، وأن هذا الجوال مو دايم معاه . مع العلم إنه كان بيسافر بعدها بأسبوع وحذف البرنامج قدامي . بعد سنه من هالموقف وأنا نايمه نور جواله بوجهي فتحت عيوني لقيت محادثه في واجهة الجهاز الي دايم بيده من نفس البرنامج ، بنت اسمها لمياء وكانت راده اني للأسف مو جديه ! فجأه سحب الجوال من يدي أنا طلعت من الغرفه لأني كنت جدا ملخبطه رتبت أفكاري ورجعت حصلته يحوس بجواله ناقشته عن المسح قالي مافيه إلاّ واتسب وإنك تتخيلين طلبت منه يفتح الجوال فتحه وصار حاذف البرنامج ، قلت ليش تحذفه ؟ قال البرنامج ينزل محادثات حتى لو حذفته ، أنا حاذفه قدامك ؛ رديت بأنو مستحيل فيه برنامج ينزل محادثه وهو محذوف مو تو تقول مافيه شي أنا أتخيل بس واتس ؟! بعدين حتى لو محذوف مايجي الرد من سنه هذا رد ع شي قريب مع العلم إنه بيسافر بعد ثلاث أيام ، طلبت منه يوديني بيت أهلي رفض واتصلت على السواق لما شافني ألمّ أغراضي سحب الشنطه مني و طلع المفتاح وقفل الغرفه علي وعليه وقال مافيه روحه تعالي نامي ، بكيت وصرخت وتخانقت وأهو ساكت يقول اسكتي بنام ! دخلت الحمام وقفلت علي الحمام جوا الغرفه جلس قافل علي قرابه الست ساعات ولا نام اسمعه يتحرك بالغرفه بعد ما صحو العيال اضطر إنه يفتح الغرفه وطلع ويعاملني ولا كأن صار شي ولا كأني شايفه شي . طلبت منه يوديني لأهلي وكان يتحجج بحجج سخيفه مثل أبي قهوه حلي واجب الولد وبعد ما روقت في النهايه اضطر انه يوديني . لما رحت لأهلي وقلت لهم الموضوع قالو عادي لازم تعدين !! أعدّي ايش خيانه !! أنا حاليا ببيت أهلي وأهلي جدا يتجنبوني ويتحاشوني ومو راضين يتكلمون معاه ولا راضين يكلموني ، بس بلسانهم : أنت قرري وتحملي نتائج قرارك وأطفالي معاي مو عارفه كيف أتصرف وصلت لمرحله شككوني بين الصح والخطأ