السلام عليكم ورحمة وبركاته أنا متزوجه عن حب وزوجى يبحبنى كثيرا ، ومن الديون عايزنى اشتغل معاه وبشتغل فعلا . عندى بنت وابن توام فى اولى ابتدائى . مشكلتى إنّي معنديش همه أو بمعنى أصحّ كسلانه بكتب خطط ومش بمشى عليه على طول ، حابه التغيير ولو مجاش التغير ده باتضايق كثيرا . زوجى تقريبا معايا على طول ولما بيخرج بكسل أعمل أي حاجه وبقول هو جاى وهعمل وهو موجود وطبعا هو مش بيعترض لأنه موجود على طول . الاهتمام بأولادي صفر وبنفسى صفر والصلاه الحمد لله كويسه وبقرا كل يوم وجه الاهتمام بزوجى صفر ببيتى 2 فى الميه نفسى افرح واعمل واشتغل مع العلم انى بشتغل فى تصنيع الملابس مش عندى اصدقاء ولا اهتمامات . بقول جدول ايه اللى همشى عليه وبدنى احبط من نفسى مع انى فعلا لما بخطط برتاح نفسى حد يقولى ايه الحل اعمل ايه عايزه اكون زوجه وام وست ناجحه بمعنى الكلمه وانثى كمان ياريت تجاوبنى