السلام عليكم ورحمة الله وبركاته . . أشكركم على مجهودكم الأكثر من رائع الّلي أنا استفدت منه جدا الله يجزاكم خير . أبدأ استشارتي وأقول : ياشيخ أنا فتاه متزوجه وصار لي سنتين واشوي ، والحين حامل وأول حمل لي . أنا صارت لي مشاكل من بداية زواجي مع زوجي كأي زوجين ، فزوجي غيور جدا جدا ، ويمنعني من أشياء ويقيّدني في أشياء ؛ عادي تقبلت كل شي وقلت عادي هو يبي محد يقرب على حريمه من تلفونات وملابس ، وكل شي اخذها منه بطريقة نصح وان هاا لشي لآخرتي بلاقي جزاه عند رب العالمين . رغم ان انا فتاه محافظه جدا ومن عائله محافظه وربي يشهد إنه يمنعني من برامج ويمنع نفسه منهم ، وهو يفتش تلفوني من وراي رغم هالشي يحزّ بخاطري لكن أقول ماعندي شي اخاف منه خله يفتش براحته . وكان ظاهريّاً يسمح لي بتفتيش تلفونه بس قدامه واهو على أساس يفتش تلفوني قدامي وطبعا ومن وراي . المهم لقيت عنده مقاطع إباحيّة جداً جداً وهو جنبي وقلت له وش هذا !! على طوول عصّب وصار يحلف ويقول مو حقه المهم كبرت المشكله بسببه ودخل فيها أبوه وأمه بالغلط عشان سمعو اصواتنا . وبعدين الكل قعد يقول هو غيور وهو محافظ وهو وهو مستحيل يسوي كذا ، صدقت ووثقت فيه جدا وقلت امكن أحد من ى أصحابه يفتح هالأشياء ، وشفت مقاطع رقص بسجل اليوتيوب قدامه طبعا ، وبعد هالمشكله كسر التلفونات حقه وحقي وبعدين شرالي تلفون جديد واعتذر مني وقعد من غير تليفون بس القديم حق الاتصال ، وبعد فتره الّلي هي الفتره الأخيرة أخذ تلفون أخوه الصغير وماينفع بس مال نت وبعدين أهداني أخي آيباد وهو أكثر من يستعمله العاب ويوتيوب وكل شي، قعد فتره بعيد عني بالعلاقه الخاصه وهاملني رغم إنه كان من قبل يوميا يطلبني للعلاقه الخاصه . وبعدين سألته اشفيك قال مافيني شي فجأه تغير والحمد لله وبدأت علاقتنا أحلى ايامها ومايقصر معاي ويطلعني وكل شي . بس حصل شي الي هو إن ايميل جوجل مال الايباد نفسه ايميل تلفوني وماعاد المس تلفونه بس هالشي لقيته لما فتحت جوجل حقي ولقيت بحوثات أقدر أقول عنها جنسيه بحته ويبحث عن جسم مثير للشهوه !! كسرني هالشي وأثّر فيني وحطمني لأني تأكدت إن هو له علاقه بها لأشياء رغم إنه في الظاهرملاك ، وهو صح يحب الجسم الرشيق وجسمي اشوي بدأ يسمن قبل الحين بس كله بسببه ممنوع امشي ولااشترا لي آلة ولا شي ، حاولت أحافظ لكن ماقدرت لأني قعده قعده ما اتحرك غير ف العمل المنزلي ، وأعمل رياضه بالمنزل رغم إنه مازاد وزني غيركيلويين أو ثلاثه بس أحاول أبرر له ما قدّر ، ولأني مو مقصره والله مو مقصره بكل شي حتى ف العلاقه الخاصه دائما يمدح ف إدائي وراضي عنه تماما . سكت وماكلمته عنهم ورسلت له نصايح وأشياء بس الاحظ سهره عن نومي رغم إننا ننوي للنوم سويا فأصحى وهو صاحي يرجع يرتبك ، وآخر مرّة الحين قبل اشوي بس صار يطلع من ( الجي ميل ) وماعرف عن ايش بيبحث وما اقدر حاسه نار قايده فيي وماقدر اصبر لأنه غيور لدرجة الشك وانا غيوره عليه وخايفه عليه هالفتره بدأيصلي والتزم ومابي يخسرصلاته وصيامه بهالاشياء وكيف اهو من برع ملاااك ومن جوا إنسان ثاني فما الحل الله يخليك .